.JPG)
നീ പഠിക്കാത്ത പാ0 പുസ്തകത്തിലെ
ഒറ്റവരി കവിതയാണ് ഞാന്
ഈണമില്ലാത്ത വൃത്തമില്ലാത്ത
പ്രാസമില്ലാത്ത കവിത
കടംകൊടുത്ത്മുടിഞ്ഞ
പലചരക്കുകടക്കാരന്റെ കീശയിലെ
കണക്ക് പുസ്തകമാണു
എന്റെ ജീവിതം
പകരം ചാര്ത്താ നില്ലാതെ
പരിഭവം പറയാത്ത ഭാര്യയുടെ
മാറിലെക്ലാവുപിടിച്ച
മുക്ക്പണ്ടം പോലെ എന്ടെ കിനാവുകള്
കണ്ണ്ചുവപ്പിച്ച് നെന്ജില് വിഷംതേച്ച്
നാവില് മധുപുരട്ടി
അതിമോഹങ്ങളുടെഅതിര്മാന്തുകയാണ്
അയല്ക്കാരന്
പ്രാപഞ്ചികവ്യഥകളുടെ കായല്ക്കരയില്
വികാരങ്ങളുടെ കക്ക പെറുക്കുകയാണ്
അയല്ക്കാരന്
അന്യം വന്ന സ്വപ്നങ്ങളുടെ
ശവപ്പറന്പില്
ചിരിച്ചുകൊണ്ട് എന്നെത്തിരയുന്ന
നീ ആരാണ് സുഹ്രുത്തേ
എനിക്കറിയാത്ത
നിന്റെ ചിരിക്കുന്ന മുഖം
നീ ആരോടാണു കടംവാങ്ങിയത്
No comments:
Post a Comment