കടം വാങ്ങിയ മുഖം -
സതീശൻ മാവില
================================
നീ പഠിക്കാത്ത പാഠപുസ്തകത്തിലെ
ഒറ്റവരിക്കവിതയാണ് ഞാൻ
ഈണമില്ലാത്ത വൃത്തമില്ലാത്ത
പ്രാസമില്ലാത്ത കവിത .
കടംകൊടുത്തു മുടിഞ്ഞ
പലചരക്ക് കടക്കാരന്റെ കീശയിലെ
കണക്ക് പുസ്തകമാണ്
എന്റെ ജീവിതം !
പകരംചാർത്താനില്ലാതെ ;
പരിഭവം പറയാത്ത ഭാര്യയുടെ മാറിലെ
ക്ലാവുപിടിച്ച മുക്കുപണ്ടം പോലെ
എന്റെ കിനാവുകൾ !
കണ്ണ് ചുവപ്പിച്ച് , നെഞ്ചിൽ വിഷം തേച്ച്
നാവിൽ മധുപുരട്ടി ,
അതിമോഹങ്ങളുടെ അതിര് മാന്തുകയാണ്
അയൽക്കാരൻ .
പ്രാപഞ്ചിക വ്യഥകളുടെ
കായൽക്കരയിൽ വികാരങ്ങളുടെ
കക്കപെറുക്കുകയാണ് സമൂഹം
അന്യംവന്ന സ്വപ്ങ്ങളുടെ ശവപ്പറമ്പിൽ
ചിരിച്ചുകൊണ്ട് എന്നെത്തിരയുന്ന
നീ ആരാണ് സുഹൃത്തേ ?
എനിക്കറിയാത്ത നിന്റെ
ചിരിക്കുന്ന മുഖം
നീ ആരോടാണ് കടം വാങ്ങിയത് ?
സതീശൻ മാവില
================================
നീ പഠിക്കാത്ത പാഠപുസ്തകത്തിലെ
ഒറ്റവരിക്കവിതയാണ് ഞാൻ
ഈണമില്ലാത്ത വൃത്തമില്ലാത്ത
പ്രാസമില്ലാത്ത കവിത .
കടംകൊടുത്തു മുടിഞ്ഞ
പലചരക്ക് കടക്കാരന്റെ കീശയിലെ
കണക്ക് പുസ്തകമാണ്
എന്റെ ജീവിതം !
പകരംചാർത്താനില്ലാതെ ;
പരിഭവം പറയാത്ത ഭാര്യയുടെ മാറിലെ
ക്ലാവുപിടിച്ച മുക്കുപണ്ടം പോലെ
എന്റെ കിനാവുകൾ !
കണ്ണ് ചുവപ്പിച്ച് , നെഞ്ചിൽ വിഷം തേച്ച്
നാവിൽ മധുപുരട്ടി ,
അതിമോഹങ്ങളുടെ അതിര് മാന്തുകയാണ്
അയൽക്കാരൻ .
പ്രാപഞ്ചിക വ്യഥകളുടെ
കായൽക്കരയിൽ വികാരങ്ങളുടെ
കക്കപെറുക്കുകയാണ് സമൂഹം
അന്യംവന്ന സ്വപ്ങ്ങളുടെ ശവപ്പറമ്പിൽ
ചിരിച്ചുകൊണ്ട് എന്നെത്തിരയുന്ന
നീ ആരാണ് സുഹൃത്തേ ?
എനിക്കറിയാത്ത നിന്റെ
ചിരിക്കുന്ന മുഖം
നീ ആരോടാണ് കടം വാങ്ങിയത് ?
