ഇരകള് - കവിത
സതീശന് മാവില
============================
ജനിച്ച നാളിലേ കിളിര്ത്ത മോഹങ്ങള്
വരണ്ട കൊക്കുകള് പിളര്ന്ന് നില്ക്കുമ്പോള് തുടുത്ത യൌവനം തെരുവ് പട്ടിപോല്
മംസക്കടക്കുമുന്നിലിന്നിരയെ തേടുമ്പോള് കിനാക്കള് കൂട്ടിയിട്ടടച്ച വാതിലിന്നിരുള്
മുറിക്കുള്ളില് യുവ
ത്വമാടുമ്പോള്
ഇരുട്ടുവീഴുമീ ചരിത്ര ഭൂവിന്റെ
ചതഞ്ഞ പാതയില് തരിച്ചു നില്പ്പു നാം !
ദുഷിച്ച കാമവും പകക്കലികളും ദുരയും
ദുര്മ്മത്ത വികാര വേഴ്ചയും
വിലക്ക് വെച്ചൊരീ തെരുവ് ചന്തയില്
വിലയ്ക്ക് വാങ്ങുവാനെവിടെ നന്മകള്
ആര്ക്ക് വില്ക്കുവാന് ദയാനുകമ്പകള് !!
മരിക്കുവോളമീ ജനിച്ച മണ്ണിന്റെ
മധുരമൂറ്റുവാന് കൊതിച്ചു നാം പണ്ടേ
തളരുവോളമീ ഹരിത കാന്തിയില്
നൃത്തമാടുവാന് കൊതിച്ചിരുന്നു നാം
നിറഞ്ഞ ചിന്തതന് നനുത്ത പായയില്
നറുനിലാവിന്റെ പാല്ക്കിനക്കളാല്
പുതച്ചുറങ്ങിയ കാലമേ വിട !
തപിച്ച മാനസം തണുത്തുറയുവാന് കുളിരുമായ് വരും കിനാക്കളേ വിട !
നിറങ്ങള് മായുമീ പ്രപഞ്ച ജാലക
പടിക്കു പിന്നിലെ ചതിക്കുഴികളില്
വല വിരിച്ചിട്ട ചിലന്തികള്ക്ക് നാം
ഇരകള് മാത്രമാണെന്നതേ സത്യം !!!
സതീശന് മാവില
============================
ജനിച്ച നാളിലേ കിളിര്ത്ത മോഹങ്ങള്
വരണ്ട കൊക്കുകള് പിളര്ന്ന് നില്ക്കുമ്പോള് തുടുത്ത യൌവനം തെരുവ് പട്ടിപോല്
മംസക്കടക്കുമുന്നിലിന്നിരയെ തേടുമ്പോള് കിനാക്കള് കൂട്ടിയിട്ടടച്ച വാതിലിന്നിരുള്
മുറിക്കുള്ളില് യുവ
ഇരുട്ടുവീഴുമീ ചരിത്ര ഭൂവിന്റെ
ചതഞ്ഞ പാതയില് തരിച്ചു നില്പ്പു നാം !
ദുഷിച്ച കാമവും പകക്കലികളും ദുരയും
ദുര്മ്മത്ത വികാര വേഴ്ചയും
വിലക്ക് വെച്ചൊരീ തെരുവ് ചന്തയില്
വിലയ്ക്ക് വാങ്ങുവാനെവിടെ നന്മകള്
ആര്ക്ക് വില്ക്കുവാന് ദയാനുകമ്പകള് !!
മരിക്കുവോളമീ ജനിച്ച മണ്ണിന്റെ
മധുരമൂറ്റുവാന് കൊതിച്ചു നാം പണ്ടേ
തളരുവോളമീ ഹരിത കാന്തിയില്
നൃത്തമാടുവാന് കൊതിച്ചിരുന്നു നാം
നിറഞ്ഞ ചിന്തതന് നനുത്ത പായയില്
നറുനിലാവിന്റെ പാല്ക്കിനക്കളാല്
പുതച്ചുറങ്ങിയ കാലമേ വിട !
തപിച്ച മാനസം തണുത്തുറയുവാന് കുളിരുമായ് വരും കിനാക്കളേ വിട !
നിറങ്ങള് മായുമീ പ്രപഞ്ച ജാലക
പടിക്കു പിന്നിലെ ചതിക്കുഴികളില്
വല വിരിച്ചിട്ട ചിലന്തികള്ക്ക് നാം
ഇരകള് മാത്രമാണെന്നതേ സത്യം !!!
