നിളയുടെ പുളിനങ്ങൾ പുളകങ്ങളാക്കുന്ന
മലയാളമേ സർഗ്ഗ സൗഭാഗ്യമേ
തുഞ്ചനും കുഞ്ചനും പാടിയുണർത്തിയ
നിർമ്മല ഭാവനാ സൗന്ദര്യമേ - എന്റെ
മലയാള ഭാഷതൻ കേദാരമേ ---
മരതകപ്പട്ടുടുത്ത മാമലകൾ നിന്റെ -
മഹിതമാം സൗന്ദര്യ സഞ്ജയങ്ങൾ
പടഹമടിച്ചുണരും സാഗരത്തിരകളാൽ
ആലാപനം ദിവ്യ സങ്കീർത്തനം
എന്നും മലയാള സൗന്ദര്യ സങ്കീർത്തനം
നേർക്കച്ച മുണ്ടുടുത്ത മലയാളി മങ്കതൻ
ചിരിപോലു മൊരു പുണ്യ വസന്തം
അതിരുകളില്ലാത്ത ഹൃദയങ്ങളിൽ പൂക്കും
നിർമ്മല സ്നേഹത്തിൻ പൂക്കൾ
എന്റെ മലയാളമേ നിന്റെ സുകൃതം
========= രചന -സതീശൻ മാവില ==
